काठमाडौँ। शिक्षा क्षेत्रको अग्रणी संस्था जेभियर इन्टरनेशनल कलेजले प्रधानमन्त्री दैवी प्रकोप उद्दार तथा राहत कोषमा १० लाख रुपैयाँ सहयोग गरेको छ । कलेजले मंगलबार शिक्षा तथा खेलकुद मन्त्री सस्मित पोखरेलमार्फत कोषमा उक्त रकमको चेक हस्तान्तरण गरेको हो ।
‘अ मिलियन रुपिज, अ कमिटमेन्ट टु सम्थिङ बिगर’ भन्ने नारासहित प्रदान गरिएको उक्त रकम भोटेकोशी बाढी प्रभावित समुदायहरूलाई सहयोग गर्ने आफ्नो निरन्तरको प्रतिबद्धताको एक हिस्सा भएको कलेजले जनाएको छ ।
यस्तै, कलेजले ‘शिक्षा भनेको कक्षाकोठाभन्दा परको विषय हो’ भन्ने आफ्नो मूलमन्त्र अनुरुप आवश्यकता पर्दा एकताबद्ध भएर उभिन सक्ने जिम्मेवार नागरिकहरू तयार पार्न कटिबद्ध रहेको उल्लेख गरेको छ ।
कलेजले बाढी प्रभावितलाई आगामी दिनमा आवश्यक पर्ने सहयोग जारी राख्ने समेत बताएको छ ।
