काठमाडाैं । सामसङले नेपालमा आफ्नो लोकप्रिय Galaxy A सिरिजको एण्ट्री-लेभललाई विस्तार गर्दै नयाँ ग्यालेक्सी A08 LTE फोन नेपालमा आधिकारिक रूपमा सार्वजनिक गरेको छ। कम दाममा राम्रो AI फिचर, भरपर्दो काम गर्ने क्षमता, बलियो सुरक्षा र लामो समयसम्म चल्ने किफायती फोन खोजिरहेका युवाहरूका लागि यो फोन बनाइएको हो।
सामसङ नेपालका MX बिजनेशका सिनियर डाइरेक्टर प्रणय रत्न स्थापित भन्छन्, “नयाँ ग्यालेक्सी A सिरिजले थप ग्यालेक्सी प्रयोगकर्ताहरूसम्म नवीनतम् प्रविधिहरू पुर्याउँदै AI को पहुँचलाई सर्वसुलभ बनाउने हाम्रो निरन्तर प्रतिबद्धतालाई झल्काउँछ। सामसङका आधारभूत क्षमताहरू र उत्कृष्ट ‘असम इन्टेलिजेन्स’ (Awesome Intelligence) को संयोजनका साथ ग्यालेक्सी A08 LTE ले दैनिक जीवनमा भरपर्दो कार्यक्षमता प्रदान गर्नेछ।”
फराकिलो डिस्प्लेमा सहज भ्युइंग अनुभव:
ग्यालेक्सी A08 LTE मा ८.० मिमी पातलो बडी र ६.७ इन्चको ठूलो डिस्प्ले रहेको छ, जुन डार्क ब्लु (Dark Blue), सिल्भर (Silver) र ग्रिन (Green) गरी तीन उत्कृष्ट रंगहरूमा उपलब्ध छ। सामसङले यसमा सफा र आकर्षक डिजाइन दिएको छ, जसले दैनिक मिडिया हेर्ने अनुभवलाई अझ उत्कृष्ट र लोभलाग्दो बनाउँछ।
६,००० mAh को ठूलो ब्याट्री:
पटक-पटक फोन चार्ज गर्ने झन्झटविना आफ्नो काम र मनोरञ्जनलाई निरन्तरता दिन नयाँ ग्यालेक्सी A08 मा ६,००० mAh (टाइपिकल) को विशाल ब्याट्री राखिएको छ, जसले गर्दा प्रयोगकर्ताहरूले दिनभर निश्चिन्त भएर कन्टेन्ट स्ट्रिमिङ, सोसल मिडिया ब्राउजिङ र गेमिङको मजा लिन सक्नेछन्।
दीर्घकालीन सुरक्षा र टिकाउपन:
यो डिभाइस, प्रयोगकर्तालाई लामो समयसम्म भरपर्दो कार्यक्षमता, सुरक्षा र ढुक्कको महसुस गराउने गरी बनाइएको छ। IP64 रेटेड धुलो र पानी प्रतिरोधी क्षमता भएकाले यो दैनिक जीवनमा हुने धुलो, फोहोर र पानीका छिटाहरूबाट सुरक्षित रहन्छ। यसको मूल्यलाई अझ दीर्घकालीन बनाउन सामसङले ६ जेनेरेसनसम्म OS अपग्रेड र ६ वर्षसम्म सेक्युरिटी अपडेट उपलब्ध गराउनेछ, जसले ग्यालेक्सी A08 लाई आगामी वर्षहरूसम्म सुरक्षित, अद्यावधिक र नयाँ फिचरहरूले सुसज्जित राखिराख्नेछ।
उपलब्धता र मूल्य:
ग्राहकहरूका लागि यो नयाँ मोडल डार्क ब्लु, सिल्भर र ग्रिन गरी आकर्षक तीनवटा रंगहरूमा किन्न पाइनेछ।
4GB RAM / 64GB स्टोरेज: रु. ३४,४९९
4GB RAM / 128GB स्टोरेज: रु. ४०,९९९
6GB RAM / 128GB स्टोरेज: रु. ४७,४९९
कम्पनीले ग्राहकहरूको सहजताका लागि १२ महिने मासिक किस्ता (EMI) सुविधा पनि उपलब्ध गराएको छ। जसअन्तर्गत:
4GB / 64GB भेरियन्ट प्रतिमहिना रु. १,७२५ मा उपलब्ध छ।
4GB / 128GB भेरियन्ट प्रतिमहिना रु. २,०५० मा उपलब्ध छ।
नयाँ स्मार्टफोनमा अपग्रेड गर्ने प्रक्रियालाई सहज र लाभदायक बनाउन सामसङले मासिक किस्ताबन्दी (Instalment) को सुविधा पनि ल्याएको छ। ग्राहकहरूले प्रति महिना मात्र रु. १,७२५ को सजिलो EMI मा नयाँ ग्यालेक्सी A08 खरिद गर्न सक्नेछन्। यो झन्झटरहित प्रक्रियाका लागि नागरिकताको प्रमाणपत्र मात्र भए पुग्छ।
