काठमाडौं। सत्तारुढ दल नेकपा एमालेले गत चैत १५ गते काठमाडौंको तीनकुनेमा भएको प्रदर्शनप्रति पूर्वराजा ज्ञानेन्द्र शाहलाई जवाफदेही बनाउनु पर्ने बताएका छन्।
शुक्रबार प्रतिनिधि सभा अन्तर्गतको कानुनी, न्याय र मानवअधिकार समितिको बैठकमा एमालेका मुख्य सचेतक महेश बर्तौलाले पूर्वराजा ज्ञानेन्द्रको अभिव्यक्ति र त्यसको पृष्ठभूमिमा तीनकुने घटनाको उल्लेख गरे।
गत चैत १५ गतेको राजावादी प्रदर्शनमा दुई जनाको ज्यान गएको र निजी तथा सार्वजनिक सम्पत्तिमा क्षति पुगेको थियो।”त्यो घटनाको अनुसन्धानमा पूर्वराजालाई पनि कुनै न कुनै रूपमा जवाफदेही बनाउनु पर्छ,” बर्तौलाले भने, “उहाँलाई पनि प्रश्नको दायरामा ल्याउनुपर्छ।”शुक्रबारको समितिको बैठकमा गृहमन्त्री रमेश लेखकसहित सुरक्षा निकायका अधिकारीहरू पनि सहभागी थिए।
