काठमाडौँ। नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले पदाधिकारी बैठक बोलाएका छन्।
पार्टीका सचिव दीनानाथ शर्माका अनुसार बैठक आज अपराह्न ४ बजे खुमलटारस्थित प्रचण्डको निजी निवासमा बस्नेछ। बैठकमा पछिल्लो राजनीतिक घटनाक्रम, स्थगित तराई–मधेस जागरण अभियान पुनः सञ्चालनलगायत विषयमा छलफल हुने बताइएको छ।
फागुन ७ गते पूर्वराजा ज्ञानेन्द्र शाहले गणतन्त्र असफल भएको दाबी गर्दै राष्ट्र र जनताको भविष्यका लागि आफूलाई साथ दिन आग्रह गरेपछि राजावादीहरू पुनः सडकमा सक्रिय देखिएका छन्।
