काठमाडौँ । नेपाली काँग्रेसका नेता डा. शेखर कोइरालाले सर्वसम्मतिबाट संसदमा पेस भई पारित भएको निजामती सेवा विधेयकलाई अनधिकृत रूपमा परिवर्तन गर्नु संसदप्रति गरिएको गम्भीर अपमान भएको टिप्पणी गरेका छन्।
उनले आज सामाजिक सञ्जालमार्फत प्रतिक्रिया जनाउँदै भनेका छन्, “यो कुनै सामान्य घटना होइन, देश र जनताप्रति गरिएको गम्भीर अपराध र सार्वभौम संसदप्रति देखाइएको अपमान हो।”
डा. कोइरालाले उक्त घटनासँग जोडिएकालाई तुरुन्तै हदैसम्मको कारबाही अगाडि बढाउनुपर्ने माग गर्दै परिवर्तन गरिएको व्यवस्था तत्काल हटाई विधेयकलाई पुरानै अवस्थामा फर्काउन सरकारसँग आग्रह गरेका छन्।
उनले कुलिङ पिरियड नराखी यस विधेयकसम्बन्धी कुनै पनि प्रक्रिया अगाडि बढाउन नहुने स्पष्ट पारेका छन्।
