काठमाडौँ । नेकपा एमालेका सांसद योगेश भट्टराईले उपसभामुख इन्दिरा राना मगरको विदेश भ्रमणबारे गम्भीर प्रश्न उठाएका छन्।
प्रतिनिधि सभाको बिहीबारको बैठकमा उनले उपसभामुखले यस कार्यकालमा मात्र १७ पटक विदेश भ्रमण गरेको तथ्याङ्क सार्वजनिक गर्दै त्यसलाई ‘असामान्य’ भने।
भट्टराईका अनुसार १७ मध्ये ७ पटक मात्र सभामुखको स्वीकृतिमा भ्रमण भएको देखिन्छ भने बाँकी १० पटक कसैको स्वीकृतिविना भ्रमण भएको छ। उनले भने, “यो कुन आधारमा भएको हो? कहाँ जानुभएको हो? कसको निम्तोमा जानुभएको हो? सामान्य कूटनीतिक शिष्टाचार हुन्छन्, तर यो गम्भीर विषय हो।”
सभामुखको स्वीकृतिविनै पटक-पटक विदेश यात्रा गर्नु उपसभामुखको आचरणसँग मेल खान्छ वा खाँदैन भन्ने प्रश्न उनले संसदमा उठाए।
