नेकपा एमालेका स्थायी कमिटी सदस्य तथा जनसंगठन समन्वय प्रमुख भानुभक्त ढकालले पार्टीमाथि बाहिरी आक्रमण बढिरहेका बेला भित्रि पुनर्गठनको बहस उठाउनु उपयुक्त नभएको बताएका छन्।
भक्तपुर जिल्ला कमिटीले गुण्डुमा आयोजना गरेको कार्यक्रममा ढकालले भने कि एमालेमा नेतृत्वको गठन र पुनर्गठन स्वाभाविक प्रक्रिया हो र यसको निर्णय उचित फोरम, जस्तै महाधिवेशन वा केन्द्रीय कमिटीले गर्ने छ। तर अहिले पार्टी एकताको लागि केन्द्रित हुनुपर्ने बेला हो।
ढकालले पार्टी पुनर्गठनको नाममा प्रचारबाजी गर्नु उपयुक्त नभएको बताउँदै, भदौ २०–२२ को दोस्रो विधान महाधिवेशनले तय गरेको मार्गअनुसार जेन–जी आन्दोलनले उठाएका सही एजेण्डा पार्टीले आत्मसात गर्ने स्पष्ट पारे।
