काठमाडौँ । भोटेकोशी नदी रसुवाका बाढपीडितको उद्धार शुरु भएको छ ।
नेपाली सेनाका अनुसार हालसम्म १२ जनाको उद्धार भइसकेको छ । जसमा सेनाको हेलिकप्टरमार्फत स्याफ्रुबेँसीबाट ६ र मैलुङबाट २ र धुन्चेबाट ४ गरी हालसम्म १२ जनाको उद्धार भएको हो ।
उक्त इलाकामा नेपाली सेनाका चार र निजी कम्पनीका आठ गरी जम्मा १२ वटा हेलिकोप्टर उद्धार कार्यमा खटिएका छन् ।
यसका साथै, नेपाली सेनाको मेडिकल टिमद्वारा त्रिशूलीस्थित सैन्य तालिम केन्द्रमा आकस्मिक उपचार सेवा प्रदान गरिरहेको पनि नेपाली सेनाले जनाएको छ ।
