काठमाडौं । नेपाल मौसम पूर्वानुमान महाशाखाले असोज ९ गतेदेखि असोज ११ गते बिहानसम्म लागू हुने गरी तीन जिल्लाका विभिन्न पालिकामा भारी वर्षाको प्रभावमा आधारित मौसम पूर्वानुमान जारी गरेको छ ।
पूर्वानुमानअनुसार प्युठान जिल्लाका माण्डवी र सरुमारानी गाउँपालिका, जाजरकोट जिल्लाका नलगाड र बारेकोट तथा बझाङ जिल्लाका केदारस्यूँ र थलारा गाउँपालिकामा भारी वर्षाको प्रभाव पर्न सक्ने जनाइएको छ ।
सम्बन्धित पालिकाका बासिन्दालाई मौसमको अवस्था र जारी हुने थप सूचनाबारे सतर्क रहन तथा आवश्यक सावधानी अपनाउन आग्रह गरिएको छ ।
