काठमाडौ । आन्तरिक राजस्व कार्यालय भद्रपुरले चालु आर्थिक वर्षको पहिलो १० महिनामा दुई अर्ब ६१ करोड ६६ लाख १० हजार रुपैयाँ राजस्व संकलन गरेको छ। यो अघिल्लो आर्थिक वर्षको सोही अवधिको तुलनामा ९.५६ प्रतिशतले वृद्धि हो।
प्रमुख कर अधिकृत कृष्णचन्द्र काफ्लेका अनुसार, गत आवको यही अवधिमा दुई अर्ब ३८ करोड ८३ लाख ६४ हजार रुपैयाँ संकलन भएको थियो। चालु आवमा चार अर्ब ६१ लाख रुपैयाँ राजस्व संकलन गर्ने लक्ष्य राखिएको भए पनि हालसम्म लक्ष्यको ८३.०३ प्रतिशत मात्र संकलन भएको उनले जानकारी दिए।
कार्यालयले १० महिनामा विभिन्न शीर्षकबाट संकलन गरेको राजस्व विवरण यस प्रकार छ:
-
आयकर: १ अर्ब १६ करोड ९ लाख
-
ब्याज: ८ करोड ६५ हजार
-
मूल्य अभिवृद्धि कर (VAT): ८६ करोड ५४ लाख ९७ हजार
-
अन्तःशुल्क: ४७ करोड ४६ लाख ४२ हजार
राजस्व लक्ष्य हासिल गर्न कार्यालयले नियमित रूपमा बजार अनुगमन र निगरानी गरिरहेको छ। साथै, कर बक्यौता तिर्न बाँकी रहेका करदातामाथि बैंक खाता रोक्का, जग्गा पास तथा नामसारी रोक्का जस्ता कानुनी कारबाहीहरू पनि भइरहेको प्रमुख काफ्लेले जानकारी दिए।
