• २०८३ कार्तिक ३०
  • 2026 November 16, Monday

बझाङमा अटो दुर्घटना, चार जनाको मृत्यु

बझाङ । बुङ्गल नगरपालिका–१० टुमेडामा अटो दुर्घटना हुँदा चार जनाको मृत्यु भएको छ ।

सोमबार बिहान टुमेडाबाट वडा नं. ११ को हिड्नेगडा बजारतर्फ जाँदै गरेको सु.प.प्र.०१–००१ ह ७९९८ नम्बरको अटो ब्रेक फेल भएर सडकबाट करिब ९०० मिटर तल खसेको प्रहरीले जनाएको छ ।

दुर्घटनामा बुङ्गल नगरपालिका–१० का ३५/४० वर्षीया राजमति महरा, १५/१६ वर्षीया तारा महरा, ५/६ वर्षीया डल्ली महरा र ४ वर्षीया रियास महराको मृत्यु भएको छ ।

अटोमा चालकसहित ६ जना सवार रहेकामा १२/१३ वर्षीय विक्रम महरा भने सकुशल घर फर्किएको जनाइएको छ ।

प्रहरीले अटो चालक बुङ्गल नगरपालिका–११ का २५ वर्षीय टेकबहादुर पातलीलाई नियन्त्रणमा लिएर घटनाबारे थप अनुसन्धान गरिरहेको छ ।